حبيبي يسوع ....
هو انت صحيح بتحبني .. طب ليه
أنا سالت نفسي انا بحبك ليه؟!
وعرفت اجاوب ...
بحبك عشان انت ابويا... عريسي... حبيبي..
بحبك عشان قبل ما بأطلبك بلاقيك جنبي...
لا
أنا مش بلاقيك جنبي....
بحبك عشان مش بتستحمل دموعي " حولي عني عيناكي لآنهما قد غلبتاني"
بحبك عشان مش بتسمع صوتي ... انت بتسمع حتي سكوتي
بحبك عشان غيرت لوني . جدت حياتي.
بحبك عشان وانا في عمق الخطية .. بمجرد م أقول " الحقني " بلاقي ايدك بتشدني
بحبك عشان بتسامحني مهما عملت ... بس اجي واقولك سامحني وساعدني .
بحبك عشان انت ونسي في وحدتي
بحبك عشان انت فرحي في حزني
بحبك عشان انت ضحكتي
بحبك عشان من غيرك
أنا انسان من غير كيان،
مدينة بلا بنيان،
نهر بلا شطئان،
سفية بلا ربان،
جواب من غير عنوان،
وردة من غير بستان،
الكلام كتير كتير وبيجري جوه دماغي وصوابعي مش لاحقة تكتب وتقول
بحبك ليه ...
بحبك ليه ...
بس بجد مش عارفة انت ليه بتحبني !!!؟
مش عارفة
بس عارف يا حبيبي
بحبك ومن فضلك ماتسبنيش
بحبك و وحيات حبك ليه امسك في ايدي وماتتركنيش.... بحبك يا من احببتني اولاً.
ليست هناك تعليقات:
إرسال تعليق