يسوعي..حبيبي،،،
ممكن اقولك سر .. نسيت اتعامل مع الناس ازاي.
نسيت الكلام... مع اني برغي معاك
نسيت اتعامل ازاي.. البساطة قالوا عليها
عباطة،
والمحبة قالوا عليها ضعف وغباء،
ومساعده الناس قالوا عليها تهميش الناس وفرد عضلات،
واكتشفت ان الناس كلها زي بعض ، مع فارق
الزمن والأسماء بس،،
لما المواقف بتتكرر بتلاقيي الاشخاص والاسماء
اختلفوا بس التصرفات هي هي ..
ما بتتغيرش
حبيبي تعبت....
تعبت من احساس الوحدة القاتل، ومش عارفة
اتعامل مع حد،،
مش عايزة اقول كلام شكوي ووجع وبس .. انا
عارفة ومتأكده انك عارف الوجع فين .
وانك لما بتشد علي اوي ، بيبقي عشان تقوي
عظمي ..
بس مش ملاحظ ان عظمي نشف اوي وبقي اقوي من
الحديد .. مش كفاية كده!
لا، انت الي هاتقول امتي كفاية ..
بس انت عارف ..مش عارفة اتكلم ..
وسط البحر لوحدي ، ممكن تمسك ايدي
مش عايزة اكتر من انك تمسك ايدي وتنقذني،
ساعدني ،، محتجالك
ليست هناك تعليقات:
إرسال تعليق